O venres 7 de Setembro comezan as actividades de outono deste ano. E comezarán cunha charla de iniciación á micoloxía, que será impartida por Mercedes Nodar (presidenta da Estrada Micolóxica) Esta e tódalas demáis charlas, xunto cos talleres temáticos, impartiranse no Auditorio de NovaGalicia Banco da Estrada.
Seguirán outras charlas temáticas durante outros catro venres alternos. Estas charlas temáticas comezarán ás 20:00h e son as seguintes:
- 21 de Setembro. José Luís Tomé – Cantarelus
- 5 de Outubro. Antonio Rodríguez Fernández – Toxicoloxía
- 19 de Outubro. Ricardo Torrijos – Cogomelos nos fogóns
- 17 de Novembro. Puri Lorenzo – Tricolomas
Durante os domingos das semanas que hai charlas temáticas, faranse saidas ao monte para a identificación e recolección de cogomelos.
Este ano convócase o I Concurso de Fotografía Micolóxica e continúase co II Concurso Escolar de Debuxo Micolóxico, que vai pola segunda edición.
Durante a clausura destas actividades de outono, que vai dende o 14 ao 17 de Novembro, faranse varios talleres temáticos dende as 19:00h até as 21:00h, aproximadamente:
14 de Novembro. Cestería.
15 de Novembro. Taxonomía de cogomelos.
16 de Novembro. Microscopía.
E para rematar estas actividades con bo sabor de boca farase unha degustación de cogomelos logo da charla de clausura.
Estrada Micolóxica 
Hola, gustaríame poder facelas próximas actividades de cestería, taxonomía de cogomelos e microscopía. Cómo podo anotarme? Moitas gracias. Saúdos.
Ola Maika, moitas gracias polo teu interés nas actividades que organizamos. Polo momento non é preciso apuntarse a ningunha destas actividades, só é preciso que te presentes alí cando sexa a actividade que che interese. Si houbese a necesidade de que se apunte a xente, porque así o esixa a persoa instructora desa actividade, xa o avisaremos por aquí ou no grupo de facebook (http://es-es.facebook.com/pages/ESTRADA-MICOLOXICA/210425249024590)
Apertas!