Bases do Concurso Fotográfico da Estrada Micolóxica

Obxectivo.

O obxectivo de este concurso é incentivar a participación no mundo da micoloxía, e a fotografía como medio de difusión e coñecemento dos fungos.

As fotografías presentadas no concurso de esta edición terán como temática: “Os fungos e o entorno que os rodea”

Premio.

Existirá un único premio para a mellor fotografía, que consistirá nun fin de semana para dúas persoas nunha casa de turismo rural de A Estrada.

Condicións.

1-      Poderán participar todas as persoas físicas sen discriminación de ningún tipo.

2-      Cada concursante so poderá presentar unha única fotografía.

3-      A fotografía terá un tamaño de 15×20 e presentarase montada nunha cartolina, cun tamaño comprendido entre o dobre e o triplo do tamaño da fotografía.

4-      A fotografía deberá levar un título e o pseudónimo do autor por detrás da cartolina. Ademais entregarase nun sobre pechado, no que figure pola parte exterior do sobre o título da fotografía e o pseudónimo do autor, a seguinte información: nome e apelidos, enderezo electrónico e teléfono de contacto.

5-      A fotografía e o sobre presentado non poderán levar ningún distintivo ou sinatura que poida identificar a súa autoría.

6-      As fotografías presentadas serán orixinais e inéditas e non se admitirá ningunha fotografía con retoques dixitais.

7-      As fotografías entregadas pasaran a formar parte do arquivo fotográfico da Asociación A Estrada Micolóxica, cedendo os seus dereitos para ser expostas e facer uso delas en publicacións da Asociación A Estrada Micolóxica.

Prazos.

Os traballos poderán presentarse no IES Antón Losada Diéguez, Rúa da Cultura nº2, A Estrada, Pontevedra, 36680; ata o 31 de Outubro, inclusive.

A resolución do concurso farase durante a clausura das actividades de outono da Estrada Micolóxica. A persoa gañadora será comunicada por vía telefónica.

A Asociación porase en contacto coa persoa gañadora para facerlle entrega do premio.

Xurado.

O xurado estará composto por representantes da Asociación A Estrada Micolóxica e unha persoa profesional da fotografía de A Estrada.

A participación neste concurso implica a total aceptación das  bases.

Descargar o PDF

Advertisements

Actividades do Outono 2012

O venres 7 de Setembro comezan as actividades de outono deste ano. E comezarán cunha charla de iniciación á micoloxía, que será impartida por Mercedes Nodar (presidenta da Estrada Micolóxica) Esta e tódalas demáis charlas, xunto cos talleres temáticos, impartiranse no Auditorio de NovaGalicia Banco da Estrada.

Seguirán outras charlas temáticas durante outros catro venres alternos. Estas charlas temáticas comezarán ás 20:00h e son as seguintes:

  • 21 de Setembro. José Luís Tomé – Cantarelus
  • 5 de Outubro. Antonio Rodríguez Fernández – Toxicoloxía
  • 19 de Outubro. Ricardo Torrijos – Cogomelos nos fogóns
  • 17 de Novembro. Puri Lorenzo – Tricolomas

Durante os domingos das semanas que hai charlas temáticas, faranse saidas ao monte para a identificación e recolección de cogomelos.

Este ano convócase o I Concurso de Fotografía Micolóxica e continúase co II Concurso Escolar de Debuxo Micolóxico, que vai pola segunda edición.

Durante a clausura destas actividades de outono, que vai dende o 14 ao 17 de Novembro, faranse varios talleres temáticos dende as 19:00h até as 21:00h, aproximadamente:

14 de Novembro. Cestería.

15 de Novembro. Taxonomía de cogomelos.

16 de Novembro. Microscopía.

E para rematar estas actividades con bo sabor de boca farase unha degustación de cogomelos logo da charla de clausura.

José M. Costa: “Usos mediciñais dos Gasteromicetos”

Escollemos a J.M. Costa, compañeiro do grupo micolóxico Pan de Raposo (da Costa da Morte), para a charla de clausura. Con el puidemos descubrir os usos que se lles deron aos fungos ao longo da Historia. Descubrimos o efecto antiséptico do Licoperdon perlatun e outros Gasteromicetos, o efecto retardante á hora de facer lume da isca (Ungulina fomentaria), a bruxería unida ao consumo dalgún tipo de cogomelo agaricoide (Paneolus inocybes), o puritanismo do século XVII cara o fungo Fallus impudicus, etc.

Esta charla foi amenizada con algunhas bromas de Costa e ensinounos que os cogomelos son algo máis que un complemento para un bo prato.

Julián Alonso: “Contaminación nos cogomelos”

Para este tema tan complexo e descoñecido por parte de moitos aficionados botamos man do doutor en bioloxía e colaborador do Cetal, Julián Alonso Diz, que baseou a súa tese doutoral na contaminanción nos cogomelos.

O ambiente da charla era de atención e xerou moitas dúbidas, moitas preguntas e quizais algún medo á hora de consumir cogomelos. Julián aconsellounos sobre as cantidades máximas a inxerir e os especímenes que deberíamos rexeitar, por acumular demasiados metais pesados ou radiación. Este é o caso do Agaricus Urinascens (macrosporus) que a pesares de ser un cogomelo moi recolectado e consumido deberíamos rexeitalo.

Jaime Blanco Dios: “Novas especies para Galicia”

Na cuarta charla, Jaime Bernardo Blanco Dios mostrounos novas especies de cogomelos en Galicia.

Jaime é un dos micólogos galegos que descubriu máis especies novas de cogomelos, tanto en Galicia coma en España. Por iso quixemos traelo para facer unha charla diferente, na que nos ensinase todos eses descubrimentos. Algunhas destas especies, non as podemos atopar nos libros ou únicamente foron vistas e descritas unha soa vez, como é o caso da Amanita Porrinensis (descuberta por Marisa Castro e Luís Freire) que ata o día de hoxe non se volveu localizar.

J.M. Castro Marcote: “Cogomelos dos ecosistemas dunares”

A segunda charla do 2011 correu a cargo de J.M. Castro Marcote, que é coautor de: “Cogumelos de Galicia”, “500 setas del litoral atlantico y noroeste peninsular” e “Cogumelos dos ecositemas dunares”.

Marcote é optico de profesión e micólogo de afición, leva editados varios libros de cogomelos con outros micólogos como Chemi Traba, que tiveron unha gran aceptacion no ammbito galego.

Marcote especialízase sobre todo nos cogomelos dos ecosistemas dunares. Nesta charla amosounos estes cogomelos que viven en condicions tan extremas, de feito a charla fíxose ca intencion de dar a coñecer á xente este mundo que moitos descoñecen. Cogomelos nas dunas? pero se non hai auga!? Como non podía ser doutra forma acompañamos a charla cunha saída ao día seguinte en Riveira, da man da Asociación Micolóxica Refungando. Non accedimos ao Parque Natural de Corrubedo porque fai falta un permio, pero puidemos admirar determinados cogomelos en montes blancos, coma o Lactarius Sanguiflus, Gomphydius Rutilus e o Clatus Rubra, entre outros. Despois aproveitamos a viaxe para facer un pouco de turismo por Riveira e comer todos xuntos.

Antonio Rodríguez Fernández: “Boletais e Micorrizas”

A primeira charla da Estrada Micoloxica correu a cargo do doutor en bioloxía Antonio Rodríguez Fernández, profesor de segundo ciclo na USC de Santiago de Compostela. Como non podía ser dotro xeito Antonio amosounos o Xénero Boletus, como ben coñecedor que é deles gracias a súa tese doutoral (“Estudio fenológico, productivo y técnicas de micorrización de un hongo ectomicorrícico, Boletus fragans Vittad., en Castanea”)  Amosounos os Boletus máis apreciados polas súas características alimentarias, o seu comercio e o que aportan como hospedantes das árbores nas que habitan. Tamen puidemos ver outros Boletus non comestibles e de inferior calidade pero que non deixan de ser interesantes. Dado que á hora de saír ó monte non só hai que coñecer o bo, senón tamén o malo para non ser levado polas dúbidas.
A charla estivo ateigada e os asistentes agasallaron a Antonio cunha gran ovación e moi bos comentarios.